Музей друку і фатаграфіі

У 2009 годзе ў дзяржаўнай установе «Музей гісторыі горада Гомеля» быў пакладзены пачатак калекцыі фатаграфій, фотаапаратаў і фотапрыладаў. Паступова сфармавалася калекцыя (каля 500 прадметаў) легла ў аснову Музея фатаграфіі — першага ў Беларусі музея фатаграфіі ў структуры дзяржаўнай установы, які быў адкрыты ў Гомелі напярэдадні Дня горада ў верасні 2015г.

Вялікая колькасць прадметаў першым падарыў музею Гомельскі фатограф і калекцыянер Леанід Барысавіч Пінскі. Яго пачынанне падтрымалі не толькі фатографы і калекцыянеры з Гомеля, але і з розных куткоў Беларусі, Расіі і іншых краін, напрыклад Аляксей Нікіцін (Расія, Калуга).

Сімвалічна што музей размясціўся на першым паверсе ў адным з будынкаў па вуліцы Камунараў, у памяшканнях самага знакамітага ў Гомелі фотаатэлье, які працаваў тут больш за 50 гадоў, практычна з моманту пабудовы будынка (з 1960-х гг.).

У пастаяннай экспазіцыі музея прадстаўлены ключавыя мадэлі фотатэхнікі (савецкія Фотакор, Зеніт, ФЭД, Змена-8, аматар, Кіеў, знакамітая нямецкая Leica, шпіёнскі Hit, Praktica, Argus, фотакамеры павільённыя, і інш.), фотаматэрыялы, абсталяванне, вялікая колькасць тэматычных кніг, перыядычных выданняў па фотамастацтве, аксэсуары, а таксама фатаграфіі і фотаальбомы, асабістыя рэчы вядомых фатографаў, перададзеныя ў дар музею жыхарамі горада і яго гасцямі. Таксама ў экспазіцыі прадстаўлена фоталабараторыя савецкага перыяду. Дарэчы, Геаграфія фотаздымкаў, як і фотатэхнікі, вельмі шырокая: Менск, Гомель, Магілёў, Рыга, Вільня, Барнаул, Ленінград, Краснаярск, Калінінград, Іванава, Адэса, Кіеў, Днепрапятроўск, Ужгарад, Чарнігаў і г. д.

Такім чынам, у Гомельскім музеі можна вывучыць гісторыю развіцця фатаграфіі на працягу XX стагоддзя, і з пункту гледжання тэхнічнай эвалюцыі, і як аднаго з відаў мастацтва. Прадстаўленыя калекцыі адлюстроўваюць айчынныя і сусветныя тэндэнцыі.

У выніку пашырэння экспазіцыйных плошчаў, у 2017 годзе, у гонар 500-годдзя беларускага кнігадрукавання і 100-годдзя газеты «Гомельская праўда» быў адкрыты абноўлены аб'ект «Музей фатаграфіі і друку». Для наведвальнікаў была адкрыта пастаянная экспазіцыя «Гісторыя друку Гомельшчыны», дзе сабраны матэрыялы па гісторыі друкаваных СМІ і друкарняў Гомельскай вобласці за апошнія 100 гадоў.